KaiSe KaHu

Kuch kehna hai shayad mujhko tumse,kaise kahoon?? kehna to chahta hoon bahut kuch,magar chup ho jaata hoon ki kahin meri baat ka tumahare pass agar jawab na hua to......!! ruk jaata hoon,theher jaata hoon,paani ke bulbule ki tarah phoot jaata hoon,aur kahin paani mein kho jaata hoon...kyon hai aisa,jab ki mujhko bhi pataa hai ki tum yeh jaanti ho,dil mein machalti hui hasrat ko samjhti ho,phir merey lub mera saath kyon nahi detey? kyon chubhta hai har lamha,kyon intezaar karta hoon main har pal,tumhare saath ka,chand lamho ka hi sahi par kyon,jab ki mujhko bhi pataa hai,baarish ki boond ki tarah,bansuri ki dhun ki tarah yeh lamha bhi kho jaayega..kya mujhe darr lagta hai us lamhey ko khone ka? nahi main to hazaar aise lamho ka kahwab sajaaye baitha hoon,tum mein khud ko sanjone ki hasrat liye takta hoon,tum chali jaogi yeh jaanta hoon par sanbhaal ke kahin chupaana chahta hoon..yeh dard aisa kyon hai..mujh mein shaamil bhi tu hai aur mujh me kahin hai bhi nahi,phir yeh veerani kyon hai,jab ki andhero se to mera barso ka waasta raha hai,aaj inse mujhe darr sa kyon lag raha hai,chalte chalte main ruk jaata hoon,thodi der thehrta hoon phir khud se baatein karne lagta hoon,kiska saaya hai hai,jo merey peeche peeche door tak chala aata hai,murat ban jata hoon,bus kuch keh nahi paata,kahada ho kar khayalo ki duniya mein kuch tasawwurat liye kahin door tak jaata hoon...Par kya hai ??

Rimjhim barasti baarish ki boond ya merey aansuo mein nahaya yeh mera apna Jism??